Daniela Biteznik

Chrabbelfiir: Die Feier für Kinder von 0-7, ihre Eltern und Grosseltern

Chrabbelfiir, ein Gottesdienst für die ganze Familie, Kinder ab 0- 7 Jahren, Eltern und Grosseltern sind auch dabei. Danach gibt's einen feinen Zvieri für alle! Jeweils am Samstagnachmittag, 16.30 mit Beginn in unserer Kirche. Chum und fiir mit Eus!
Chrabbelfiirlogo <span class="fotografFotoText">(Foto:&nbsp;Daniela&nbsp;Biteznik)</span><div class='url' style='display:none;'>/</div><div class='dom' style='display:none;'>ref-uzwil.ch/</div><div class='aid' style='display:none;'>476</div><div class='bid' style='display:none;'>9751</div><div class='usr' style='display:none;'>69</div>

 

nächste Daten
27.02.2021   Chrabbelfiir
22.05.2021   Chrabbelfiir
18.09.2021   Chrabbelfiir
04.12.2021   Chrabbelfiir

Geschichte zum Vorlesen
S ADVENTSLIECHT

E Adventsgschicht für chlii und gross – wie wichtig isch üs s Liecht im Advent? Und müend denn i de Strasse überall bunti und grelli Liechter lüüchte?

Es isch Adventsziit worde. Und di beide Stadtkind, d Anja und de Simon, hend festgstellt, dass es da uf em Land,wos gad neui ane züglet, grad jetzt i däre Ziit, eifach vill dunkler und stiller isch. Überhaupt nöd so wiehnächtlich, wie sis bis jetzt kennt hend, vo de Stadt. Es hät ebe nirgendwo Liechterkettene oder bunti Liechtfigure. Au häts do kei Läde, mit schön dekorierte und flimmerndhelle Schaufenster. Nur än grosse Christbaum, wo mit Liechter gschmückt isch, staht immerhin ufem Kirchplatz. Aber sust au scho nüt meh…

Truurig murret de Simon: «Also, mä merkt da gar nöd, dass ja scho ganz gli Wiehnacht isch!» «A was sött mer denn das merke, Simon?», erkundigt sich s Mami. «Jo denks ade Liechter, a de Wiehnachtsschmück, a de weihnächtliche Lieder i de Gschäfter und so wiiters!», meint d Anja. «Aha. Bruuchet ihr das demfall, zum eu ufd Wiehnacht z freue?», fröget s Mami. «Liechter ghööret doch eifach zu de Wiehnachtsziit!», sind sich d Anja und de Simon einig. «E ganz klari Sach!»
«Klari Sach also!», seit s Mami und lächlet debii gheimnisvoll.

Am nächschte Namittag, wo die beide Gschwüschterte mit em Nachbersmeitli, de Kathrin, ufem Heiweg vo de Schuel gsi sind, hend sis scho vo wiitem gse…!
Es isch ebe scho chli am i dunkle gsi. Ganz i dä Ferni lüüchtet und schimmeret ihne es Liecht entgege. «Das isch bi üs! Ja, das isch gaanz sicher bi üs!», rüeft de Simon erfreut. «Jaa», jublet au d Anja, «e richtigs Wiehnachtsliecht! Und das i üsem Kuchifenster!» So schnells chönd, renned alli drü Kind ufs Liecht zue. Will sooo schön het das uusgseh!

Rundume isch alles dunkel und still. Nur i eim Fenster flackeret das wunderbari helle Liechtli.
D Kind freuet sich eifach riesig drüber! «Richtig wiehnächtlich gseht das uus!», meint de Simon und er stellt sich debii vor, wies echt hinter dem Liechtfenster wohl usgseht? Was s Mami echt grad am mache isch?
Villicht isch si am Kueche bache? Oder am e cooli Überraschig voorbereite? Oder möglicherwiis tüend mir nacher zäme Wiehnachtsguezli bache? Villicht gits e warmi Schoggi zum trinke? Oder no besser wäri, wenn mir ä Kerze i dä Stube aazünde würdet und enand Gschichte verzellet… Villi schöni Ideeä sind ihm in Sinn cho, wo er so fescht is Flackere vo dem warme Wiehnachtsliecht gluegt hät.
«Eigentlich», findet d Anja, «isch so äs winzig chliises Liecht ällei, hundert mal schöner, als all die bunte und nervöse Wiehnachtsliechtli i dä Stadt zäme!»
Und d Kathrin meint ganz truurig: «so schad, dass i üsem Fenster Dihai kei sotigs warms Liecht lüüchtet.»

Wo am nägschte Abig, d Kind zäme, wieder ufem Heiweg vo de Schuel unterwegs gsi sind, flackeret ihne doch scho zwei Liechter entgege.
«Euses Liecht, das isch euses Liecht! Jetzt het au eusi Famili es Liecht Dihai!», freut sich d Kathrin ganz bsunders! Mit ganz vielne schöne Gfühl im Buuch, rennet d Kinde heizue de beide Liechtfenster entgege. I däm Moment erschiint i de Nachberschaft grad au no e dritts Liecht. D Anja, de Simon und Kathrin chönds chuum glaube. Sie freuet sich so riesig dra! «juhuii», jublet d Kind.
«Bi üs häts jetzt au Wiehnachtsliechter!» Bis am spate Abig sind denn sogar na meh Liechter dezuecho… Sie gnüsset zäme d Vorweihnachtsziit glücklich und seelig.
Und mal luege, vielicht zündet au ihr es Liecht für vors Feischter a…?
Kontakt
Daniela Biteznik
Telefon: 071 534 09 04
E-mail:
Bereitgestellt: 06.11.2020    Besuche: 44 Monat 
aktualisiert mit kirchenweb.ch